انا باعرف اكون ذكرى جميلة
وطيف مجنون
ممسوح من كل الواقع
ضايع
ضايع
ممكن يخلق منك فن
تكتب عنه
وتعزف لحن
لكن
متمزع بين الطيف والممكن
بين الحلم وبين الواقع
مقتول ك سراب مجنون
بيحاول يثبت نفسه
لنفسه
بس بيرجع عارف انه سراب اوهام
بيلون كل حياتهم
ويسبب في عيوني
عما الوان
انا بارجع تاني وبارفض
واسكن "ازمنة الرفض القابع في اوردة العالم"
زي ما قال الشاعر
وارفض طيفي
واصرخ من زيفي
ومن الوان بهتت على عمري
وسابت قلبي جعان
وارجع وازعق واقول من تاني
انا مش طيف الوان
مش دفتر محفوظ ف دولابك
ممنوع م النسيان
مش عاوز اكون خالد في الذكرى
مش عاوز ابقا مجرد فكرة
انا باحلم بس اكون
"انسان"
مش عاوز اكون خالد في الذكرى
مش عاوز ابقا مجرد فكرة
انا باحلم بس اكون
"انسان"
