درويش

وساعات اكون درويش
واسخر من الضحكة
واكسر المرايات
وأفلسف النكتة
أزهد ف لقمة عيش
وف نظرة أو كلمة
وف حالة محتالة
كدابة هوالة
واركن بقلبي بعيد
أزهد وابيع واصوم
والصبح اقوم م النوم
طماع كمان مجنون
بيحوش الدنيا
ليوم مهوش معلوم
ويعود ف ليله يقول
درويش انا ومسكون
ف عيوني جن أناني
زاهد ومن تاني
بيحب بس يصوم
ويعاند الفرحه
علشان بادور صدق
مش فرحة كدابة
ميهمنيش الضحكة موجودة
او غايبة متسابة